DETAJE / Ndërron jetë i dënuari në burgun e Shënkollit

Një i dënuar në burgun e Shënkollit në Lezhë është konstatuar pa shenja jete mëngjesin e sotëm (25 Qershor).
Sipas Drejtorisë së Përgjithshme të Burgjeve, i dënuari është Allush Hysa 36 vjeç.
I dënuari ndodhej në dhomën nr. 3, kati i parë, godina nr. 5 dhe ishte nën mjekim të detyruar që nga data 27 Nëntor 2021, në zbatim të vendimit gjyqësor.
Allush Hysa ishte i diagnostikuar me epilepsi, çrregullim të sjelljes dhe prapambetje mendore.
Referuar dosjes, Hysa ishte arrestuar më 23 Janar 2014 për veprën penale të “Plagosjes së rëndë”.
Menjëherë pas konstatimit të mungesës së shenjave jetësore, autoritetet e burgut njoftuan SHKBSB, Prokurorinë e Lezhës, komisariatin e policisë dhe familjarët e të ndjerit.