Digjet një makinë me targa greke, brenda saj gjendet një kallashnikov

Një makinë është djegur rreth mesditës në lagjen “Apolonia” të Fierit. Informacionet e para bëjnë të ditur se ngjarja ka ndodhur afër stacionit të treni. Makina është me targa greke YNK 1329 dhe brenda saj ndodhet një armë zjarri kallashnikov. Mësohet se para se të digjet automjeti, janë dëgjuar të shtëna arme. Në vendngjarje kanë mbërritur zjarrfikëset dhe forcat e policisë.