Luftëtari pritet që të përfshihet nga një eksod, madje që këto ditë para Vitit të Ri 2020. Lojtarët duket se nuk kanë ndërmend që të zgjaten dhe të presin drejtuesit, pasi bëhet e ditur se kanë marrë vetëm nga një rrogë në këtë 6-mujor të parë të këtij sezoni në Superiore.
Realdo Fili mund të përfundojë në Shkodër, por me shumë gjasa edhe në Laç. Ashtu sikurse edhe Donald Rapo, që duket më afër Skënderbeut dhe një gjë të tillë e ka konfirmuar vetë.
Angelmo Vyent, mund të rikthehet dhe të luajë në Greqi, në ligat inferiore, por me kushte financiare më të mira se te Luftëtari. Portieri Paiteris nuk preferoi që të luajë edhe në Ballsh, në ndeshjen e fundit të 2019. Ai ka kërkuar largimin dhe shlyerjen e rrogave të pa marra.
Nuk është çudi që nga Gjirokastra të ketë padi të reja në adresë të klubit, gjithsesi kjo periudhë njëmujore do të ketë shumë zhvillime në Gjirokastër…
