Ish-ministri Ditmir Bushati ka reaguar në lidhje me protestën kundër kryeministrit Edi Rama, duke mbrojtur qytetarët pjesëmarrës dhe motivet e tyre.
Në një status në rrjetet sociale, Bushati thekson se protestuesit nuk janë të nxitur nga faktorë të jashtëm, por janë qytetarë të revoltuar nga mënyra se si po qeveriset vendi dhe që kërkojnë më shumë drejtësi, dinjitet dhe mundësi për të gjithë.
Postimi:
Nuk janë të nxitur nga Irani, as nga algoritmet, e aq më pak të humbur në qëllimet e tyre. Janë shqiptarë të revoltuar nga trajtimi i atdheut si plaçkë.
Të vetëdijësuar për pasojat e aleancës së dëmshme mes politikës, oligarkisë, medias dhe krimit të organizuar.
Janë qytetarë që besojnë se Shqipëria meriton më shumë: më shumë drejtësi, më shumë dinjitet, më shumë shpresë dhe më shumë mundësi për të gjithë.
Çdo ditë që kalon e forcon bindjen se Shqipëria e Re nuk është thjesht një aspiratë, por një kapitull i pashmangshëm që duhet përqafuar.
Ky është një moment që kërkon reflektim të thellë, urtësi dhe përgjegjësi.
