196 persona kanë humbur jetën gjatë 24 orëve të fundit në Itali nga koronavirusi. Bilanci i viktimave rritet frikshëm. Sot ai kapi shifrën e 827 të vdekurve nga virusi vdekjeprurës. 10 590 persona është numri i të infektuarve të cilët mbahen në karantinë.
Ndërkohë, 1045 persona janë shëruar deri tani nga koronavirusi, ndërsa 1028 ndodhen në terapi intensive. Të dhënat u bënë publike nga Emergjencat Civile italiane të cilët prej disa javës po përballen me një nga pandemitë më të tmerrshme që ka përjetur ndonjëherë bota.
Pas Kinës me mbi 3 mijë viktima, Italia, e ndjekur nga Irani, janë shtetet më të prekura nga koronavirusi i ri. Sot, OBSH shpalli gjendjen e pandemisë botërore pas përhapjes së virusit në 114 shtete, ndërsa kërkoi nga qeveritë e shteteve të vijojnë marrjen e masave kundër përhapjes së virusit.
