Nga Olga Paguna
#Perkrisanthin
Jam kaq e revoltuar saqë merzitja, pikellimi, hidhërimi nuk me lejojnë të artikuloj ashtu sic duhet revoltën time ne këtë moment. Në vitin 2021 kur duam te dergojme satelite me emrin e Shqipërisë ne hapësirë, në Dropull mbi 20 orë jemi pa drita dhe si shkak I kësaj situate dje u nda nga jeta një ëngjëll 12 vjec pasi shtëpia e saj mori flakë nga qiriri që përdornin për ndriçim. Iku nga flakët e qiririt si në mesjetë, pasi gjithë zona e Dropullit nuk kishte drita dhe jo sic shkruanin disa gazeta që banesa e saj ishte pa drita!
Para 21 vitesh mamaja ime u rrëzua natën pasi nuk kishte drita dhe humbi drejtimin. Shpëtoi por mbeti me hekura dhe vidha për një jetë në trupin e saj dhe pas 21 vitesh e njëjta situatë në Dropull pa drita ,pa ujë pa rrugë, e lënë në haresë si nga Shqipëria ashtu edhe Greqia dhe #Krisanthi humb jetën në mënyrën më makabre. 20 orë pa drita dhe akoma vazhdojmë të jemi pa to, ne, një zonë që kurrë nuk kemi lënë pa paguar faturat, një zonë që kurrë nuk kemi vjedhur energji elektrike, një zonë që kurrë nuk jemi ngritur në protesta, një zonë që populli I saj vetëm punon dhe ka dhënë kaq shumë në zhvillimin e ekonomisë së Shqipërisë jemi pa drita, vetëm Dropulli në errësirë dhe #Krisanthi u bë martire e kësaj situate. Mjerë Ne! U prehsh në paqe e vogla Krisanthi dhe na fal që ishim të paaftë për të ta bërë jetën më të bukur ….
