Nga CNA.al
Për herë të parë në Parlamentin Europian është zgjedhur një eurodeputete me origjinë shqiptare, Arba Kokalari e cila është mbesa e Musine Kokalarit, e cila ishte një, shkrimtare dhe politikane antikomuniste që u përball me diktaturën komuniste dhe vuajti torturat më të egra të atij sitemi duke u dënuar dhe internuar, ku gjeti dhe vdekjen në vitin 1983.
Menjëherë pas fitores së Arba Kokalarit si pjesë e Partive simotër të PD-së, një urim për të e pati kryedemokrati Lulzim Basha i cili në një postim në rrjetet sociale bëri me dije telefonatën e tij me eurodeputeten shqiptare.
“Natë e paharrueshme për Arbën dhe familjen e saj, natë fitore për Moderatët që konfirmuan 4 eurodeputetë dhe natë historike për të gjithë ne shqiptarët që inagurojmë me Arba Kokalarin praninë shqiptare në ulëset e Parlamentit Europian!
Krenar dhe i lumtur me fitoren e Arbës, ju shpreh mirënjohjen time të gjithë bashkatdhetarëve tanë në Suedi që me votën e tyre e mundësuan këtë moment historik”,-shkruan ndër të tjera Basha për zgjedhjen e Kokalarit si eurodeputete.
Në dhjetor të vitit 2018 në zgjedhjet për kryesinë e re të degës së PD-së për Gjirokastrën, Lulzim Basha i cili sot uron një përfaqsuese të familjes së Kokalarëve në PE, refuzoi të mbështeste kandidaturën e Alije Kokalarit në PD-në e Gjirokastrës e cila gëzonte mbështetjen dhe pëlqimin e strukturave të partisë në qytetin e gurit por që u pengua nga kryesia e PD-së në Tiranë.
Sot, hipokrizia e Lulit arrin deri aty sa e shet edhe si arritje të tijën zgjedhjen e Arba Kokalarit në Parlamentin Europian, ndërkohë që Kokalarët e tjerë i internon nga partia, duke mbështetur për degën e Gjirokastrës ish kryekomunarin e Lazaratit, Dasho Aliko. Ky është servilizmi dhe dyfytyrësia e Lulzim Bashës.