Janë 25 deputetë të opozitës së re në Parlament që sot bashkuan votat me mazhorancën për të miratuar rezolutën që dënon vendimin e presidentit Ilir Meta për të shfuqizuar 30 qershorin si datë për zgjedhjet lokale.
Ky votim tregon se dy grupet parlamentare të formuara nga deputetët e hyrë nga listat e PD dhe LSI nuk janë të unifikiuar, të paktën kur bëhet fjalë për vendime të rëndësishme. Rudina Hajdari është kryetare e Grupit Parlamentar Demokrat dhe nuk mori pjesë në votim, ndërkohë që një pjesë e deputetëve të këtij grupi kanë votuar në favor të rezolutës.
Nimet Musaj, kreu i Grupit Parlamentar të Pavarur, ka votuar gjithashtu pro rezolutës, por disa deputetë të këtij grupi nuk morën pjesë në votim ose u shprehën kundër. Rezoluta kundër Metës u miratua me 100 vota pro.
Mes atyre që kanë votuar pro është edhe Ediola Braha, deputetja e LSI-së në qarkun Gjirokastër.
