E nxorri jashtë ekipi për 6 muaj, Juventusi “i detyruar” të aktivizojë mesfushorin Khedira

TURIN, ITALY – FEBRUARY 04: Sami Khedira of Juventus celebrates after scoring a goal during the serie A match between Juventus and US Sassuolo on February 4, 2018 in Turin, Italy. (Photo by Gabriele Maltinti/Getty Images)
Sami Khedira ka një kontratë me Juventusin e cila skadon më 30 qershor.
Ai është stërvitur me pjesën tjetër të grupit që nga fillimi i sezonit, por nuk është thirrur kurrë për ndeshje zyrtare.
Kjo sepse për klubin e Juventusit, si Matuidi dhe Higuain, mesfushori gjerman tashmë mbetet jashtë projektit që nga vera e kaluar.
Por ai, ndryshe nga dy lojtarët që shkuan më vonë në MLS, kurrë nuk e gjeti marrëveshjen me klubin e Juventusit për zgjidhjen e kontratës. Khedira, pra, mbeti, edhe pse i vetëdijshëm se nuk kishte një shans për të zbritur fushën. Në dhjetor, gjatë një interviste me “Bild”, ai tha se donte të largohej por ky transferim deri më sot – tre ditë përpara mbylljes së tregut të transferimeve – nuk është materializuar. As ndërprerja e kontratës nuk u materializua.
Nëse Khedira nuk zgjidh kontratën me Juventusin deri në fund të afatit të transferimit, ai nuk do të jetë më në gjendje të luajë për ekipet e tjera këtë sezon.
Dhe mbase për këtë arsye Pirlo, i pyetur sot për këtë temë, u shpreh me fraza që nuk ishin mbyllje totale: “Khedira po stërvitet me ne, që nga fillimi i sezonit, tani tregu do të mbyllet së shpejti dhe ne do të shohim…”.
Me pak fjalë, Juve do të përpiqet ta rregullojë atë diku tjetër ose të ndërpresë kontratën brenda tre ditësh të tjera.
Por nëse dështon, ai gjithashtu mund të marrë në konsideratë ri-prezantimin e tij në grup. Jo vetëm për stërvitje.