Japonia emëroi ministrin e saj të parë për Vetminë këtë muaj pasi niveli i vetëvrasjeve të vendit u rrit për herë të parë në 11 vjet gjatë pandemisë Covid-19. Tetsushi Sakamoto mori pozicionin e sapo krijuar më 12 shkurt.
Në konferencën e parë të shtypit, Sakamoto tha se Kryeministri Yoshihide Suga e emëroi atë për të adresuar çështjet kombëtare “përfshirë çështjen e rritjes së nivelit të vetëvrasjes së grave gjatë pandemisë”.
“Suga më udhëzoi të shqyrtoj çështjen dhe të paraqes një strategji gjithëpërfshirëse, duke koordinuar me ministrinë përkatëse,” shtoi Sakamoto. “Shpresoj të kryej aktivitete për të parandaluar vetminë dhe izolimin shoqëror dhe për të mbrojtur lidhjet midis njerëzve.”
Qeveria japoneze gjithashtu krijoi një “zyrë kundërmasash izolimi / vetmie” brenda kabinetit më 19 shkurt për çështje të tilla si vetëvrasja dhe varfëria e fëmijëve – të cilat janë rritur gjatë pandemisë.
Japonia deri më tani ka regjistruar më shumë se 426,000 raste Covid-19 dhe 7,577 vdekje, sipas të dhënave nga Universiteti John Hopkins. Deri më tani ka administruar më shumë se 5,000 doza vaksinash.
