Banorët e Alimos u gjendën përballë një spektakli të pabesueshëm , teksa panë një balenë të vogël në cekëtinë të detit. Me shumë mundësi bëhet fjalë për një balenë Zifios që ka humbur orientimin. Mesa duket ajo është mjaft e lënduar. Sipas informacioneve, ajo kishte dalë në breg që nga dita e djeshme, por kishin arritur ta fusnin sërish në thellësi në mënyrë që të lirohej. Megjithatë, sot balena doli sërish në cekëtinë . Në zonë ka zhytës dhe një veteriner për të trajtuar balenën e vogël e cila besohet se është e plagosur. Duke folur për SKAI, profesori i Biologjisë Detare, Dr. Koutsoubas, tha se këto kafshë konvikte përplasen me helikat e anijes. Ai theksoi se duket se është plagosur rëndë dhe zakonisht këto raste nuk përfundojnë mirë . Ai shtoi se kafsha nuk është aspak e rrezikshme dhe është një nga speciet e mbrojtura.