Armando Broja u rikthye dje në skuadrën e Bërnlit. Sulmuesi shqiptar u aktivizua në minutën e 77-të, ndërsa Bërnli barazoi 1 me 1 përballë Middlesbrough.
Broja është me fat dhe pritet të marrë minuta, të paktën deri në janar. Fleming si sulmuesi kryesor u shit tek Ipsuiç, ndërsa marrëveshja për zëvendësuesin dështoi në fund. Bërnli ndërkohë nuk arriti ta zëvendësonte Fleming në fundin e merkatos dhe për këtë foli vetë trajneri Niki Hajen.
“Është vërtetë për të ardhur keq, sigurisht, sepse Zian ishte një aset i rëndësishëm për ekipin dhe gjithashtu për klubin.
Por duhet të jemi të drejtë, ishim gjithashtu në negociata me një sulmues tjetër, por kjo marrëveshje dështoi. Një ose dy orë para afatit, lojtari e prishi marrëveshjen dhe për fat të keq nuk patëm kohë të gjenim një zëvendësues tjetër.
Në rregull, nuk më pëlqen të them se është ajo që është, por ne vazhdojmë të punojmë me lojtarët që janë këtu dhe kemi profile të ndryshme.
Ajo që në të vërtetë duam të krijojmë nuk është të jemi të pavarur nga një sulmues, por tani me Dastan (Satpayev), me Zeki(Amdouni), me Largie(Ramazani), madje edhe me Mike(Tresor) dhe lojtarë të tjerë, duam të jemi më kërcënues për gola”, u shpreh trajneri i Bërnlit.
© BalkanWeb
Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë.
Grupi Balkanweb
