Një 53-vjeçar është gjetur pa shenja jete paraditen e së dielës në Devoll. Bëhet e ditur se në fshatin Progër ai është gjetur pa shenja jete rreth orës 11.00 në garazhin e banesës. Viktimë e gazit të gjeneratorit ka mbetur Andrea Grazhdani.
Mësohet se ai kishte 3 ditë që ishte kthyer nga Greqia, dhe po bënte punime në shtëpi për vendosjen e kaldajave pasi do të festonte me familjen për festat e fundvitit. Dje për shkak të mungesës së energjisë ai ka hapur gjeneratorin dhe është asfiksuar.
Ka qenë fqinji i tij që e ka lajmëruar policinë pasi ka gjetur në mëngjes derën e garazhdit të mbyllur ndërsa do të vazhdonin punimet.
Njoftimi i policisë:
Më datë 12.12.2021, rreth orës 11:00, në fshatin Progër, në garazhin e banesës së tij, është gjetur i pa jetë, pa shenja dhune, shtetasi A. G., rreth 53 vjeç, i cili jetonte i vetëm.
Nga të dhënat e para, dyshohet se ky shtetas ka ndërruar jetë nga asfiksia e gazit të gjeneratorit që përdorte.
