Gruaja 44-vjeçare që ishte zhdukur që nga e hëna e kaluar u gjet e gjallë në një zonë të shkretë të Rodosit mesditën e së shtunës. Të premten (20 janar) një alpinist e pa gruan vetëm në një mal në Massari. Kur e thirri ajo iu prezantua atij dhe dukej e humbur. Gruaja ishte zbathur dhe e dehidratuar. Alpinisti informoi me telefon një burrë tjetër në Archangelos dhe ai informoi policine greke.
Më pas ai ka dërguar një foto me celular, është bërë një identifikim dhe ambulanca ka shkuar në vendngjarje për ta marrë dhe dërguar në Spitalin e Përgjithshëm të Rodosit për t’iu nënshtruar analizave dhe ndoshta për t’i bërë vlerësimin psikiatrik të gjendjes së saj.
Sapo të shërohet, pritet të përfundojnë hetimet për zbardhjen e rrethanave në të cilat është zhdukur. 44-vjeçarja, nënë e një vajze të mitur, mëngjesin e së hënës ka dalë nga shtëpia dhe nuk është kthyer më. Në mbrëmje bashkëshorti i saj njoftoi Policinë për zhdukjen e saj. Sipas të njëjtave informacione, nëna 44-vjeçare, e cila punon si punonjëse në një supermarket në rrugën Rodos-Kallithea, është larguar nga shtëpia edhe më parë, por jo për një kohë kaq të gjatë.
