71-vjeçari, i cili humbi jetën, pasi u infektuar me COVID-19 është përcjellë sot në banesën e fundit. 71-vjeçari u varros nën masa të rrepta sigurie. Në ceremoninë mortore, e cila u zhvillua në varrezat e Kuçovës mori pjesë vetëm gruaja e tij. Po kështu, në funeral ishin të pranishme edhe forca të shumta policore, për të verifikuar respektimin e masave të vendosua nga qeveria, pas përhapjes së COVID-19. Gruaja e 71-vjeçarit prej 10 ditësh ndodhet në vetëkarantimin, pasi burri i saj ishte i infektuar me COVID-19.
Numri i prekurve me Covid-19 në vendin tonë sot ka shkuar në 104, ndërsa numri i viktimave ka shkuar në 4. Po kështu, 9 prej të infektuarëve janë mjekë dhe infermierë, një nga Spitali i Durrësit dhe të tjerët nga spitali “Shefqet Ndroqi”. Ndërkohë harta e të prekurve në vend sa vjen dhe zgjerohet. Sot janë shënuar të infektuar edhe në Vlorë e Shkodër. Qytetarët sot e kanë ndaluar që të dalin pas orësh 13:00 nga shtëpia, ndërsa lëvizja ka nisur që në 5 të mëngjesit pasi ka hyrë në fuqi “ligji i luftës.” Kryeministri Edi Rama njoftoi se për të ruajtur rendin dhe parandalimin e përhapjes së COVID-19, do të përdoret edhe forca bashkë me gazin lotjsjellës. Ndërkohë që në rrugë ka dalë ushtria dhe Policia.