E veshur me të bardha, një ëndërr qe nuk mundi ta realizonte sa ishte gjalle, është përcjell sot për në banesën e fundit 21-vjeçarja e vrare ditën e djeshme nga ish-shoku i klasës së saj qe donte dhe kërkonte me insistim lidhje dashurie. Ajo u qëllua me një plumb në kokë përpara fakultetit të mjekësisë, teksa ishte e shoqëruar nga e motra dhe kushërira. Nga plagët e marra, Ariela Murataj, 21-vjeçarja studentja e ekselencës, gjeti vdekjen e menjëhershme.
