Nuk ka dy pa tre: Real Madrid nuk ka ndërmend të heq Allegrin nga lista e dëshirave, edhe pse nga Milano vijnë lajme se tekniku “azzurr” ndihem mirë në stolin e “djallit”, por Reali është Reali, Perez është Perez, për këtë arsye për sa kohë është dëshira për ta transferuar në Madrid nuk mund të përjashtohet kurrë si pistë. Në fakt, “TuttoSport” shkon edhe më tej duke zbuluar disa nga kushtet që Allegri ka për t’u transferuar në Madrid.
E para dhe më e rëndësishmja, Allegri kërkon me vete në Madrid edhe Luka Modric, jo më si një lojtar, por një bashkëpunëtor i tij në stol. As kroati nuk do të ishte kundër kësaj ideje, të rikthehej në Madrid pas vetëm 1 viti, por këtë herë në rolin e asistentit të Allegrit.
E dyta, faktori Rabiot. Francezi është një pinjoll i Allegri-t, ky është një fakt, pasi së bashku punuan te Juventus, ndërsa ishte edhe kërkesa e tij e parë në këtë rikthim të dytë në Milano. Gjithsesi, nuk do të ishte e lehtë që Allegri t’i bënte një vend në mesfushën e Realit ku bëjnë pjesë lojtarë si Bellingham, Valverde, Tchouameni, Guler dhe Camavinga.
Sigurisht që për Allegrin, fakti që Real Madrid ka një interesim konkret është diçka pozitive, por Igli Tare dhe i gjithë ambienti në shtëpinë e kuqezinjve nuk i ka pritur mirë këto lajme të cilat vijnë përpara derbit kundër Inter dhe në një kohë kur palët duhet të programojnë edhe sezonin e ri.
© BalkanWeb
Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë.
Grupi Balkanweb
