Filloi si një infeksion viral në një provincë të Kinës në fund të 2019-ës, por më pas u kthye në një pandemi që ka alarmuar të gjithë botën.
Përhapja e Covid-19 ka detyruar pjesën më të madhe të botës të jetë në një karantinë të detyrueshme.
Janë shumë ditë tashmë të kaluara në izolim, por si ka ndikuar ky izolim në jetën tonë?
Disa shprehen se jeta në karantinë nuk ndryshon shumë nga jeta që bënin më përpara, por disa kërkojnë sa më parë të jenë të lirë, sepse janë të lodhur nga kjo situatë.
Efektet psikologjike të karantinës mund të jenë të shumta dhe duhet të mësojmë t’i njohim ato. Ne mund ta quajmë atë “sindromë karantine” atë grup simptomash karakteristike për një sëmundje ose të një situate të caktuar negative në të cilën shumë njerëz përjetojnë emocione negative të shkaktuara si pasojë e gjendjes së izolimit.
Shenjat për të cilat duhet të shqetësohemi më shumë janë të ndryshme, ato janë ankthi, frika, agresioni, mosbesimi, depresioni, agjitacioni, pagjumësia ose hiperinsomnia. Kombinimi i këtyre simptomave është shumë i zakonshëm në shumë njerëz në këto kohë karantine. Si mund t’i shmangim të gjitha këto dhe të përpiqemi ta jetojmë këtë situatë me qetësi? Ne ju japim disa këshilla:
Qëndroni larg lajmeve të rreme. Fatkeqësisht, ka shumë informacion të gabuar në internet.
Mos u informoni çdo minutë mbi situatën e koronavirusit.
Mos mendoni gjithë kohës se jeni infektuar.
Duhet të vazhdojmë të kujdesemi për veten dhe të tjerët.
Gjithashtu duhet të jemi të kujdeshëm me ushqimet që konsumojmë./Fidelityhouse/