Edison Ndreca, lojtari i Egnatias, tregoi këndvështrimin e tij pas suksesit 2-0 ndaj Vorës.
“Jam i lumtur për fitoren e ekipit dhe golin tim. Shpresoj që nga sot të vazhdojmë vetëm me fitore, të qëndrojmë në vendin e parë. Patjetër që jemi të uritur për titullin e 3-të, të çojmë sa më lart Egnatian. Konkurrenca është më e shtuar, është më vështirë, janë 4-5 ekipe. S’po bëjmë dot shkëputjen, por jam besimplotë te grupi, do të vazhdojmë kështu të bëjmë mirë.
Ftesë nga Kombëtarja? Të them të drejtën në këtë moment s’kam asnjë ftesë nga ekipit kombëtar. U përfol nga marsi, nga shkurti, por dëmtimi më mbajti jashtë fushave dhe që nga ai moment s’kam pasur koment për ftesë nga ekipi kombëtar. E mirëpres si çdo lojtar, është krenaria më e madhe që mund të ketë një futbollist.
Pjekurinë dhe eksperiencën do filloj ta vendos më shumë në punë. Ofertat nga jashtë? Unë jam lojtar në kontratë, e kam kontratën deri në 2027 me Egnatian, është i pari që përgjigjet. Uroj dhe shpresoj që të vijnë oferta të mira, edhe presidenti është babaxhan s’besoj që të bëhet pengesë”, tha Ndreca.
