Tetori ka nisur me ndryshime në radhët e drejtuesve në Gjirokastër. Sokol Feruni është emëruar sot në postin e drejtorit rajonal në Drejtorinë e Shërbimeve të Transportit Rrugor, institucion i njohur ndryshe edhe si drejtoria e patentave.
Feruni pason në këtë detyrë Maksi Hoxhën, i cili qëndroi drejtues për rreth dy vite. Pak muaj më parë Sokol Feruni drejtonte spitalin “Omer Nishani” e më herët kur socialistët morën pushtetin ai ishte emëruar në krye të OSHEE Gjirokastër.
Feruni është zgjedhur gjithashtu anëtar Këshillit Bashkiak në zgjedhjet e 14 majit dhe përfaqësues në Këshillin e Qarkut Gjirokastër. Vendin e tij në spitalin “Omer Nishani” e zuri Shpëtim Novi. Vendin e këtij të fundit te Njësia Vendore e Kujdesit Shëndetësor e zuri Edi Sinojmeri. Ndërkohë në vend të Sinojmerit te Inspektoriati Shtetëror Shëndetësor shkoi Nie Shalari Karabina.
©Argjiroja.net
