Video e vrasjes së shqiptarit Albert Bako në një burg grek tronditi opinionin publik të dy vendeve. Situata në burgjet greke është e keqe, sidomos për shqiptarët.
Aktualisht emigrantët shqiptarë përbëjnë 4 për qind të popullsisë në Greqi dhe 23 përqind në burgjet greke. Sipas portalit të Drejtësisë “Dikastiko.gr” në burgjet greke për 2018 kanë vdekur 51 të dënuar.
Burgjet ne Greqi, sidomos burgu i Korifdallos është jashtë çdo kontrollit, ku të gjithë e dinë se jeton një tjetër shoqëri, “ligji i xhunglës” me kanunet e tij. Grupi më i fortë bën ligjin dhe ai grup mund të jetojë i sigurtë. Të burgosurit shqiptarëmbahen deri ne 6 muaj më shumë nga dita e lirimit…Pse?
Askush nuk mund të thotë sa janë shqiptarë, asnjë informacion nuk jepet nga ambasada shqiptare në Athinë e kthyer tashmë në Grestapo ndaj gazetarëve shqiptarë, shkruan gazetari Shpëtim Zinxhiria nga Athina.
10/01/2018. Një 45-vjeçar la frymën e tij të fundit në Ditën e Vitit të Ri në spitalin e burgut të Korydallos. I paraburgosuri me origjinë shqiptare kishte prerë venat e tij dhe ishte transferuar në spitalin e burgut.
25 /01/2018, Një i burgosur shqiptar në burgun e Trikallas u gjet i pajetë në qeli. Një natë më parë, gjendja shëndetësore e 35-vjeçarit ishte normale kur kishte shkuar për të fjetur. Ai u gjet i vdekur nga gardianët, ndërsa shkaqet janë ende mister sot e kësaj dite.
8/09/2018 Nje vrasje ne burgun e Koridalos që u mbajt fshehur nga autoritetet greke, bëhet fjalë 31-vjecarin Franc .I nga Vlore u vra ne prag te lirimit. Kete njoftim e ben motra e tij duke kerkuar arsyen perse u vra vellai i saj dhe pse hesht shteti shqiptar.
28/12/2018 Gjendet I vdekur ne qeli 33-vjeçari nga Vlora, Gëzim Shekaj , teksa mbahej në burg përtej afatit të përcaktuar nga gjykata në Greqi.
15/01/2019 Gjendet i varur ne komisariatin e policise në Agio Nikolaos ne Kretë.
14 /01/ 2019 vritet në burgun e Koridalos, 36-vjeçari Albert Bako, i cili akuzohej për vrasjen e avokatit Zafiropoulos.
18/01/2019 Gjendet i vdekur ne qelinë e burgut Koridallos në godinën D, 60-vjeçari nga Vlora
27 /01/2019 Gjendet i vdekur në qelinë e tij në burgun Koridallos në godinën E, i helmuar 33-vjeçari shqiptar
Bardhyl Tusha, nga fshati Shelegar i Sarandes. Vrasje të cilat janë kryer një ose dy ditë para gjykimit të çështjes së avokatit.
Lidhur me këto vdekje Ministria e Drejtësisë se Greqisë ka nxjerrë një njoftim te brendshëm, për punonjësit apo gardianët e burgjeve, ku thekson se, punonjësi social ose drejtori i burgut në të cilin është i ndaluar i burgosuri kur vdes ky i fundit , njofton menjëherë vdekjen e tij tek autoritetet kompetente administrative dhe gjyqësore dhe të afërmit e tij. Në rastin e vdekjes së një të burgosuri të huaj, ambasada ose konsullata e vendit të tij ose autoriteti konsullor i vendit më të afërt njoftohen.
