Shqipëria U-19 për djem mësoi këtë të hënë emrat e rivalëve që do të ketë përballë në raundin e dytë të ndeshjeve të Kampionatit Europian 2027 për këtë grupmoshë.
Shorti i hedhur ditën e sotme nga UEFA në Nyon të Zvicrës e vendosi Kombëtaren shqiptare U-19 në Grupin 6, së bashku me Armeninë dhe Qipron.
Në këtë raund të dytë të kualifikueseve të Europianit 2027, Shqipëria U-19 do të jetë pjesë e Ligës B, ku do të garojë për të siguruar kalimin në Ligën A për në edicionin e ardhshëm të kualifikueseve.
Vendi organizator i këtij mini-turneu do të vendoset me kompromis mes tre federatave: FSHF, Federatës Armene të Futbollit dhe Federatës së Qipros.
© BalkanWeb
Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë.
Grupi Balkanweb
