Familjarët e ekstremistit grek Kostandinos Kaçifas që u vra në fshatin Bularat një ditë më parë nuk pranojnë të tërheqin trupin e njeriut të tyre, i cili qëndron në morgun e spitalit të Gjirokastrës prej 24 orësh. Ata kanë kërkuar një hetim nga autoritetet greke pasi nuk kanë besim tek pala shqiptare. Për këtë arsye është refuzuar që sot të kryhet ceremonia mortore e 35-vjeçarit. Familjarët e Kaçifas ia kanë bërë këtë kërkesë konsullit grek në Gjirokastër. Ndërkohë pala shqiptare ka nisur hetimet përmes Prokurorisë së Krimeve të Rënda dhe Prokurorisë së Gjirokastrës. Detyrimi ligjor është që trupi të tërhiqet nga morgu brenda 72 orësh, por mbetet për t’u parë se çfarë do të ndodhë nesër.
©ArgjiroLajm.net
