Lindja e Krishtit në Gjirokastër meshohet në Kishën e re të Ngjalljes së Krishtit Të krishterë dhe myslimanë, sipas ritualit të përvitshëm, festojnë bashkarisht Krishtlindjet. Besimtarët orthodoks gjirokastritë e kanë festuar Ditën e Lindjes së Jezu Krishtit me një meshë ceremoniale, të mbajtur nga At Joani, në mjediset e Kishës së re të Ngjalljes së Krishtit.
Qindra besimtarë ortodoksë, por edhe qytetarë të besimeve të tjera, sipas ritualit të përvitshëm të fetimeve të përbashkëta, kanë marrë pjesë në meshën e e sotme mbajtur për herë të dytë në mjediset e kishës së re të lagjes Hazmurat. Festa e Krishtlindjeve është nga më të rëndësishmet për besimtarët e krishterë. Por në Shqipëri është kthyer në ritual të përhershëm festimi i përbashkët me besimtarët muslimanë dhe bektashianë.
Përgatiten nisin disa ditë më parë që gjithçka të jetë gati për të kremtuar ashtu siç duhet lindjen e Jezu Krishtit. At Joani gjatë meshës uroi besimtarët e krishterë dhe bashkëqytetarët e tjerë që e festojnë së bashku këtë ditë të shënuar që përcjell lumturi, begati dhe paqe.
