Edhe 48 orë shpresë për ata tifozë, të Romës e Feyenoordit, të cilët nuk kanë ende një biletë për finalen e Ligës së Konferencës, e cila do të zhvillohet në Tiranë në 25 maj.
Të gjithë presin nisjen e shitjes së biletave on-line, të martën në orën 12, pasi janë regjistruar më parë në faqen e përcaktuar nga UEFA. Cmimi i biletave varion nga 80 deri në 125 euro.
Një numër zyrtar nuk ka, por bëhet fjalë për rreth 10 mijë bileta të lira në shitje, jo vetëm për dy tifozeritë, por për të gjithë të apasionuarit e futbollit.
Pra një tifoz portugez që dëshiron të shohë Mourinho në finale ka të njëjtat mundësi për të marrë një biletë, po aq sa një tifoz romanist apo holandez.
Një menaxhim ky, që nuk i ka pëlqyer aspak klubeve, e jo vetëm Romës e Feyenoordit, por të gjithë atyre që luajnë një finale të Uefa-s.
Trajneri Klopp, si tani edhe në të kaluarën, gjithnjë ka pyetur klubet se si e lejojnë këtë fakt, që marrin kaq pak bileta. Stadiumi i Tiranës, Arena Kombetare, jo shumë larg qendrës, mund të presë deri në 21 mijë spektatorë, e duke pasur parasysh vendet bosh për arsye sigurie, do të jenë vetëm 19 mijë.
Në total do të ketë vetëm 8 mijë mbështetës të Romës dhe Fejënordit. Pjesa e konsiderueshme anësore e stadiumit, në anën jugore është rezervuar për tifozët e Romës. Klubi verdhekuq, ka zgjedhur të favorizojë abonentët: u ka dhënë bileta deri tani 166 tifozëve që ishin në Bodo, ka rezervuar një kuotë për invalidët dhe ka vendosur të hedhë një short për biletat për tifozët e tjerë.
Eshtë e panevojshme të thuhet se kërkesa për një biletë ka arritur shifra të çmendura, madje duke kaluar mbi një mijë euro.
