Deputeti i Gjirokastrës, Flamur Golemi shprehet se restaurimi i Pazarit të Gjirokastrës dhe nisja e punimeve për Rrugën Kardhiq-Delvinë, janë dy lajme të mira për qytetin dhe jugun e vendit.
“Dy lajme të mira sot për Gjirokastrën dhe gjithë jugun e vendit. Restaurimi i Pazarit Historik është një punë e kryer, që flet më shumë se çdo fjalë tjetër. Rruga Kardhiq-Delvinë nis për të mos u ndalur deri në përfundimin e plotë të saj. Me këtë investim merr një kthesë të madhe zhvillimi në të gjithë zonën ku kalon kjo rrugë. Vendosmëri dhe vizion i qartë për t’i çuar përpara zotimet tona, jo thjesht si premtime elektorale, por si domosdoshmëri e nevojës tonë të përbashkët për më shumë vende pune, për më shumë të ardhura dhe për një jetë më të mirë”, shkruan Golemi në faqen e tij në Facebook.
