I ftuar në “Ftesë në 5” me Bieta Sulon, biznesmeni gay Elton Ilirjani, tha se nga një analizë e ADN-së e bëri së fundmi në Nju York, vërtetoi se ai është më origjinë shumë të lashtë ilire. Sipas tij, analiza të mëtejshme konfirmuan se ai është 4000 mijë vjet autokton në Ballkanin Perëndimor dhe minimalisht 2500 vjet autokton në Toskëri.
Eltoni deklaroi se ai ka fatin e mirë të jetë pjesë e 18% së gjithë bashkëkombësave shqiptarë që kanë rezultuar me prejardhje 100% ilire.
Përpos jetës personale, veshjeve e bizhuterive luksoze, ai nuk ngurroi të fliste hapur edhe për ngacmimet e shumta që i vijnë nga persona të njohur në Shqipëri, si nga showbizi ashtu edhe nga politika.
“Ngacmime kam patur pafund. Kam patur nga persona të njohur të showbiz-it, këngëtarë, aktorë, regjisorë, ka Shqipëria plot, por edhe politikanë.
Për mendimin tim ata janë më të papranueshimit, sepse të hapin probleme. Shqiptari kur ka pushtet, bëhet edhe më i keq dhe unë asnjëherë s’kam ndërmend të lidhem me politikanë,” tha ai duke theksuar më pas se me termin politikanë, u referohet atyre që jo domosdoshmërisht janë në pozitat më të larta”, sqaroi ai.
Sa i përket të preferuarit të tij, Eltoni veçoi Fatos Nanon si të vetmin politikan që jo vetëm nuk do e refuzonte, por do të ishte i gatshëm ta “gjuante” edhe vetë i pari.
“Fatos Nano është një personazh shumë karizmatik. Fatkeqësisht nuk i ka aspak qejf meshkujt, por nëse do i kishte, unë do e kisha gjuajtur vetë i pari. Për këtë të jesh e sigurt”, përfundoi ai.
