Gruaja e sundimtarit të Dubait, princesha Haya i pagoi truprojës së saj me të cilin kishte një lidhje intime plot 1,2 milionë £ për të heshtur. Daily Mail zbulon lidhje kishte zgjatur për 2 vjet dhe se britaniku Russell Flowers kishte marrë një sërë dhuratash luksoze ku përfshihej një orë me vlerë 12 mijë £ dhe një pushkë të bukur. Ajo këmbëngulte që ai ta shoqëronte kudo që ajo shkonte.
Princesha Haya ishte gruaja e gjashtë dhe më e re e sheikut miliarder Mohammed Al Maktoum. Historia e tradhtisë u zbulua gjatë seancës në Gjykatën e Lartë të Londrës ku ajo kërkoi ndarjen nga bashkëshorti i saj ku edhe fitoi kujdestarinë e dy fëmijëve të tyre.
Zbulimi i kësaj lidhjeje i kushtoi martesën edhe truprojës pasi bashkëshortja mësoi se ai e kishte tradhtuar. Ajo u tha miqve se bashkëshorti i saj 37 vjeç ishte joshur nga princesha 46-vjeçare me dhurata të shtrenjta. Për shkak të kontratës së firmosur, Russell Flowers nuk mund të flasë për mediat për këtë histori duke refuzuar të përgjigjej për Daily Mail.
“Në udhëtimet jashtë shtetit princesha gjithmonë insistonte që ata të kishin dhoma të lidhura. Kur ajo ishte në Mbretërinë e Bashkuar ajo kërkonte që ai ta shoqëronte pothuajse çdo natë dhe nganjëherë ai nuk ktheheshin në shtëpi deri mëngjesin tjetër” – tha bashkëshortja e truprojës.
Russell Flowers shërbeu për 5 vjet në Regjimentin Mbretëror të Princeshës së Uellsit. Ai filloi të punonte për princeshën me kohë të plotë në 2016 dhe e shoqëroi atë në shumë udhëtime jashtë vendit. ©LAPSI.al