Në Spanjë shtohen gjithmonë e më shumë zërat për një tradhti të mundshme të Pique, ndaj bashkëshortes së tij, këngëtares së njohur, Shakira.
Megjithatë ajo që e bën edhe më intrigues këtë lajm, është se dyshimet janë që Pique ka tradhtuar bashkëshorten me mamanë e shokut të tij të skuadrës, të riut Gavi.
Mediat rozë në Spanjë patën raportuar prej kohësh një ftohje të marrëdhënieve mes çiftit Shakira-Pique, megjithatë tani duken edhe më të bindura që mbrojtësi ka nisur një histori të fshehtë me mamanë e shokut të tij të skuadrës.
Gavi është vetëm 18 vjeç dhe mamaja e tij me shumë gjasë ka një moshë pak a shumë të njëjtë me Pique, i cili në shkurt festoi ditëlindjen e 35-të.
Deri tani asnjë nga palët nuk ka preferuar të komentojë thashethemin që po bën me shpejtësi xhiron e botës, duke mos pranuar, por as refuzuar ekzistencën e një raporti sekret mes tyre.
Vlen të theksohet se Pique ka një martesë prej 12 vitesh me këngëtaren Shakira, e cila është 10 vite më e madhe se ai, teksa së bashku kanë edhe dy fëmijë, Milan dhe Sasha.
