Një gazetar i “The Telegraf” ka shkaktuar shumë reagime me shkrimin e tij lidhur me vdekshmërinë e lartë që koronavirusi ka tek moshat e treta.
Jeremy Warner ka sugjeruar se koronavirusi mund të “jetë i dobishëm” për ekonominë e Mbretërisë së Bashkuar duke marrë jetën e të moshuarve. Ai arsyetoi se gripi spanjoll kishte pasur një ndikim të fortë sepse “goditi” edhe moshat e reja, pikërisht ata që fitojnë para për të mbajtur familjes. Ndërsa siaps tij, Covid-19 ‘largon’ të moshuarit.
“Nga një këndvështrim ekonomik, COVID-19 mund të tregohet i dobishëm duke larguar në mënyrë disproporcionale të moshuarit.”
Të shumta ishin komentet që mori artikulli, ku shumica vinin nga persona që jetonin bashkë me prindërit e tyre, të cilët nuk u kursyen në kritika. Megjithatë gazetari iu përgjigj të gjithë ndjekësve të tij duke pranuar se duhet që të mos i kishte përdorur disa fjalë. Por shtoi se i qëndronte argumenteve të tij nga pikëpamja ekonomike e shkrimit.
Në rang global janë regjistruar 4,947 viktima dhe 132,000 të tjerë janë prekur nga koronavirusi në 127 vende të botës. Kina e cila ishte vendi i parë në botë i prekur nga koronavirusi pasi atje shpërtheu për herë të parë. Ndërkohë tashmë në Europë Italia është vendi më i prekur, ku numri i viktimave ka shkuar në 1266 dhe janë prekur mbi 15 mijë të tjerë. SHBA ka mbyllur të gjitha udhëtimet me Europën për një muaj si shkak i këtij virusi. Në Greqi është shënuar një viktimë, në Kosovë jnaë konfirmuar dy rastet e para ndërsa në Shqipëri janë 33 të infektuar, mes tyre një viktimë.
