Gazetari Attila Somfalvi, ka treguar për situatën e luftës në Izrael. Ai theksoi se janë dy fronte lufte, ku njëri është më pak aktiv dhe që ndodhet në Veri të Izraelit.
Më tej ai nënvizoi se liderë e Hamas-it po fshihen poshtë spitaleve dhe poshtë kopshteve, duke theksuar se Izraeli është angazhuar në luftë totale.
“Janë dy fronte, njëri aktiv dhe njëri më pak aktiv, fokusi sot është në rripin e Gazës. Hapat e parë që ushtria izraelite ka marrë ka qenë infrastruktura e Hamasit, të gjithë mendojnë se po shkojmë drejt një territori të vështirë ku trupat duhet të shkatërrojnë sa më shumë të munden.
Liderët e Hamas, fshihen poshtë spitaleve dhe poshtë kopshteve të fëmijëve, ndaj në mënyrë që të arrish tek ata, duhet të futesh brenda, duhet të luftosh dhe t’i shkatërrosh.
Izraeli është angazhuar në një luftë totale. Ndryshimi është se ndryshe nga herët e tjera, Izraeli vendosi të futet në rripin e Gazës dhe të shkatërroj Hamas.
Në rastet e kaluara kemi parë që Hamas e njeh fuqinë e ushtrisë izraelite ndaj për disa kohë do të qëndroj i heshtur dhe nuk do të bëjë më asgjë. Fronti i dytë që është më pak aktiv është Veri të Izraelit, është 10% aktiv”-tha ai.
