Tabelat “Jepet me Qira” dhe qepenat e ulur mbizotërojnë në rrugën 18 Shtatori, e njohur si një prej zonave ku ushtrohet aktiviteti tregtar.
80 biznese të vogla kanë mbyllur aktivitetin e tyre në 6 muajt e fundit, ndërsa të tjerë thonë se rrezikojnë të shkojnë drejt falimentit, pas hyrjes në skemën e TVSH-së.
Hoxha: Besoj që të jetë negative. Shpresoj që qeveria ta ketë si një provë.
Ndërsa kryetari i Dhomës Tregtisë e Industrisë në Gjirokastër, Maksim Hoxha flet për dy anë të medaljes.
Ai e vlerëson pozitive mbylljen e qarkut të TVSH, kërkesë kjo e biznesit të madh, por me efekte negative tek biznesi i vogël.
Hoxha: Mbyllja e qarkut të TVSh-së ka qenë problematike për bizneset e mëdha. Nga ana tjetër, bizneset e vogla mund të ketë biznese që mezi mbahen në këmbë, por mund të ketë biznese që tejkalojnë këtë prag.
Gjirokastra numëron rreth 1 mijë biznese të vogla, të cilat prej 1 prillit janë bërë pjesë e skemës së TVSH-së që përfshin të gjtiha subjektet me xhiro mbi 2 milion lek. Vendimi është ka ngjallur protesta nga biznesi, por qeveria e ka bërë të qartë se nuk do të tërhiqet, POR në 6 muaj e parë nuk do të gjobitet dhe do të mbështetet për të shmangur parregullsitë.
