PD dhe LSI në Këshillin Bashkiak Gjirokastër u bënë bashkë sot për të shkarkuar sekretarin e këshillit, Semi Golemi, si dhe tentuan të shkarkonin dy këshilltarët e PS-së, Armand Hila e Shkëlqim Guçe, të cilët përfaqësojnë Këshillin Bashkiak të Gjirokastrës në Këshillin e Qarkut. Ndonëse kreu i PD, Roland Bejko e bëri fakt të kryer shkarkimin e tyre, më vonë u tërhoqën dy këshilltare të LSI-së, Vjollca Koko dhe Monda Kllapi. Ato thanë se nuk ishin dakord me vendimin e grupit PD-LSI për të hequr nga Këshilli i Qarkut, Armand Hilën dhe Shkëlqim Guçen. Mbledhja e sotme, e zhvilluar në një sallë tjetër nga ajo ku zhvillohej deri më tani, u shoqërua me tension, pasi socialistët kundërshtuan veprimet e PD-LSI. Shkarkimi i Semi Golemit dhe kërkesa për shkarkim e Shkëlqim Guçes e Amand Hilës, nuk ishin fare si çështje të përfshira në rendin e ditës.
© ArgjiroLajm.net
