Kryebashkiakja e Gjirokastrës, Zamira Rami, ka publikur në faqen e saj në Facebook, një video, e cila paraqet projektin e rikonstruksionit të gjimnazit ‘Asim Zeneli’.
“Gati për t’u financuar projekti i rikonstruksionit të gjimnazit “Asim Zeneli” dhe ambjentet e godinave përreth. Dhurata më e bukur në prag të 95-vjetorit të çeljes së dyerve të këtij institucioni arsimor kaq të rëndësishëm e plot vlera historike”, shkruan Rami. Projekti është përgatitur nga Bashkia Gjirokastër, ndërsa pritet financim nga Fondi i Zhvillimit të Rajoneve.
