Teksa kanë nisur punimet për rehabilitimin e vendit ku ndodhi rrëshqitja masive te ‘Kodra e Shtufit’, shfaqet një pengesë e përkohshme. Bashkia Gjirokastër njofton se ështe gjetur një varr. Nuk dihet se kujt i përkasin eshtrat. Bashkia Gjirokastër kërkon ndihmën e banorëve për identifikimin e këtij varri. Më poshtë njoftimi i plotë.
Te nderuar banorë! Bashkia Gjirokastër ka filluar punimet për realizimin e objektit “Masa inxhinierike pêr stabilizimin e rrëshkitjes së shpatit në Kodrën e Shtufit, Gjirokastër”. Në zonën në të cilën kryhen këto punime, ndodhet një varrosh i ndërtuar me mur guri dhe i paidentifikuar. Do të kërkonim nga banorët e qytetit të Gjirokastrës nëse kanë dijeni për personin e varrosur në të, të na japin të dhëna të cilat do të na shërbejnë për procedurat e zhvarrimit dhe rivarrimit të tij në varrezat publike të bashkisë Gjirokastër. Do të kërkonim mirëkuptimin tuaj që këto të dhëna të na vihen në dispozicion sa më shpejt.
