Një adoleshente nga Gjirokastra rezulton e zhdukur prej dy muajsh. Babai i saj, 48-vjeçari S.D ka bërë kallëzim në polici. Sipas tij vajza A.A, 16-vjeç, i është larguar nga shtëpia më datë 6 dhjetor 2017. Policia e Gjirokastrës po punon për gjetjen e saj, ndërsa çështja po hetohet gjithashtu edhe nga Prokuroria.
Ndërkohë burime të ArgjiroLajm.net thonë se bëhet fjalë për një vajzë të komunitetit rom, e cila banon në lagjen ‘Zinxhira’. Dyshohet se ajo është larguar me dëshirën e saj në Levan të Fierit me një person me të cilin ka pasur lidhje dashurore, por ky vendim nuk është mirëpritur nga familja e saj. Për këtë arsye babai ka bërë kallëzim në Policinë e Gjirokastrës.
©ArgjiroLajm.net
