Gjirokastra i kishte caktuar “arrest me burg”, arrestohet në Shkodër 22-vjeçari

Si rezultat i koordinimit të informacioneve dhe veprimeve operacionale të specialistëve për Hetimin e Trafiqeve të Paligjishme dhe Narkotikëve të DVP Gjirokastër, me shërbimet e Komisariatit të Policisë Shkodër, u bë e mundur kapja në Shkodër, dhe ndalimi i shtetasit të shpallur në kërkim K. V., 22 vjeç, banues në Shkodër. Gjykata e Shkallës së Parë e Juridiksionit të Përgjithshëm Gjirokastër i ka caktuar 22-vjeçarit, masën e sigurisë “Arrest në burg”, për veprën penale “Ndihma për kalim të paligjshëm të kufijve”.