Ministri i Kulturës, Turizmit dhe Sportit, Blendi Gonxhja, i ftuar këtë të martë në emisionin Quo Vadis të moderatores Pranvera Borakaj në Vizion Plus
Ai tha se “ndërtimi i një lëvizjeje” u bë me objektiv të gabuar që në fillim. Sipas tij, nxitimi, mungesa e përvojës ose papjekuria e organizatorëve i çoi drejt kërkesave ekstreme pa pasur më parë një qëllim të qartë e të artikuluar mirë.
Gonxhja e quan keqmenaxhim protestën që sipas tij mund të ishte shmangur dhe nëse avaritë do të ishin arritur më shumë objektiva pozitivë për shoqërinë.
Sipas ministrit të Kulturës, Turizmit dhe Sportit artikulimi i gabuar i mesazhit dhe shprehja “u lodhëm, s’e duam më Shqipërinë siç është sot” nuk sjell zgjidhje të problemeve pasi nuk ka kërkesa fikse dhe plan konkret.
“Nuk mund të jem i ashpër me mazhorancën sa ju, ju e shikoni me kritikë, ka vend për kritikë edhe për gjëra që duhen rregulluar.
Duhet të kuptojmë që ky është proces. Ndërtimi i një lëvizje është zgjedhja gabim i tragetit. Ndodh sikur ne të mos kishim jetuar këtu. Nxitimi dhe moseksperienca apo thjeshtë papjekuria, nuk del dot të kërkosh të zhbësh këtë edhe të japësh dorëheqjen. Objektivi duhet qartësuar.
Deri sa të gjendet zgjidhja e duhur, të gjithë kemi bërë protesta, jo për bukëpeshku. Ka një avari të madhe që në ditët e para, nëse do të shmangeshin disa gjëra do të arriheshin më shumë objektiva në të mirë të shoqërisë.
Kjo avari vjen nga artikulimi i gabuar, qëllimi nëse ka qenë o burra na doli gjumi edhe nuk e duam më Shqipërinë kështu siç është sot, dhe kjo duhej parë.
Ne e dimë që pesha specifike e ngjarjeve tek masa e durimit ndaj një mazhorance me 83 mandate shtohet, dhe marzhi ynë për gabime zvogëlohet.
Unë e kam ndjekur me interes, jo vetëm si pjesë e mazhorancës por edhe si Blendi Gonxhja i protestave dhe nga njëra anë më vjen keq që institucioni i protestave në këtë vend të pësojë një avari të tillë.” tha Blendi Gonxhja
