Një shtetase shqiptare, 54-vjeç, është arrestuar për shkak se dogji dy automjete në Linoperamata në Greqi. Sipas asaj që shkruajnë mediat vendase 54-vjeçarja shqiptare është arrestuar të dielën nën akuzën e zjarrvënien.
Ajo akuzohet se pasditen e së shtunës ka hyrë në oborrin e ish-partnerit të saj, një 52-vjeçari me origjinë pakistaneze dhe i ka djegur mjetin në zonën e Linoperamatas.
Flakët kanë djegur edhe një makinë tjetër që ndodhej në të njëjtin oborr, në pronësi të një gruaje greke.
Nga hetimet paraprake të kryera nga Seksioni Hetimor i Shërbimit Zjarrfikës, rezultoi se autore ishte 54-vjeçarja, e cila me gjasë e ka kryer këtë akt për arsye hakmarrjeje ndaj ish-partnerit.
