Qeveria greke ka vendosur të shtyjë deri më 30 nëntor masat kufizuese me Shqipërinë, duke marrë shkas nga të dhënat e fundit epidemiologjike.
Lajmin e ka bërë me dije ministria shqiptare për Evropën dhe Punët e Jashtme, e cila në një postim në rrjetet sociale ka renditur dhe një herë kushtet si kujtesë për qytetarët që duan të udhëtojnë drejt shtetit grek.
“Të gjithë personave që udhëtojnë në Greqi do t’u kërkohet të kenë rezultat negativ të testit molekular (PCR) për COVID-19, të kryer deri në 72 orë para hyrjes së tyre në 🇬🇷.
Certifikatat e testit RT-PCR duhet të jenë të shkruara në anglisht dhe të mbajnë emrin dhe pasaportën/numrin e identitetit kombëtar të udhëtarit.
Për fëmijët nën 10 vjeç ky test nuk do të jetë i detyrueshëm.
Të gjithë udhëtarët do të duhet të plotësojnë dhe paraqesin formularin e tyre PLF dhe mund t’i nënshtrohen testimit të rastësishëm pas mbërritjes në kufirin grek.
‼️Pas kalimit në vendin fqinj, udhëtarët do të duhet të vetë-izolohen për 7 ditë”, shkruhet në njoftim.