Në kuadër të frenimit të pandemisë COVID-19, autoritetet greke kanë shtyrë edhe njëherë afatin e bllokimit të Pikës së Kalimit Kufitar të Kapshticës. Shtyrja e afatit do të jetë deri më datë 22 mars të këtij viti, bëjnë të ditur burime jozyrtare.
Deri atëherë, kalimi nga Shqipëria në Greqi e anasjelltas nuk do të jetë i lejuar.
Dalja nga Greqia dhe hyrja drejt vendit tonë, do të jetë e lejuar nga ora 06:00 deri në orën 22:00, vetëm për këmbësorët dhe mjetet e tonazhit të rëndë (kamionë mallrash). Mjetet si autobusë, taksi, apo çdo mjet tjetër i transportit të pasagjerëve, nuk do të lejohet të kalojë. Në orët në vijim pritet edhe një komunikatë zyrtare në lidhje me këtë njoftim.
