Është hapur tashme pavioni Covid në spitalin rajonal të Elbasanit i cili ka pritur sot 5 pacientët e parë të prekur me Covid-19.
Tashmë janë duke u shtuar në këtë spital pacientë të prekur nga Qarku i Elbasanit, por nevojat e Ministrisë së Shëndetësisë mund të diktojnë edhe shtrimin e personave nga qarqe të tjera të vendit.
Hapja e këtij spitali erdhi si pasojë e numrit të lartë, gjithnjë e në rritje të të prekurve me covid-19. Vetëm në 24 orëshin e fundit në Elbasan janë regjistruar mbi 81 të prekur, ndërsa bashkia më e madhe me numrin më të lartë të të prekurve ka qenë bashkia e Elbasanit.
Por edhe bashkia e Librazhdit ka regjistruar 33 të prekur, një numër i lartë për numrin e vogël të popullsisë, dhe një humbje jete gjithashtu. 81 shtretër është kapaciteti i këtij pavioni Covid, në spitalin Rajonal të Elbasanit të pajisura gjithashtu me aparatura të nevojshme për këtë sëmundje sidomos përsa i përket aparaturave të oksigjenimit. 25 persona personel shëndetësor janë trajnuar për tu shërbyer personave të prekur me Covid me Covid-19.
Tashmë në bazë të nevojave të Ministrisë së Shëndetësisë në të gjithë Shqipërinë në spitalet rajonale do të hapen pavijone Covid, ku kapaciteti pritet të jetë rreth 600 shtretër.
