Fondi Shqiptar i Zhvillimit pritet të nisë një investim në Gjirokastër. Është fjala për restaurimin e ansamblit arkitektonik në zonën e pazarit historik. Financimi është siguruar përmes qeverisë shqiptare nga Banka Botërore. Fondi fton tani ofertuesit e kualifikuar për të paraqitur ofertat e tyre për punimet, që parashikohen të kryhen për një periudhë kohore prej 12 muajsh. Tenderi do të zhvillohet në bazë të një dokumentacioni të harmonizuar ndërmjet dokumentacionit për prokurimin e tenderit të hapur, sipas Agjencisë së Prokurimit Publik dhe standardeve të Bankës Botërore, duke u realizuar sipas procedurave të përcaktuara në udhëzuesit e Bankës Botërore, për: “Prokurimi i mallrave, punët dhe shërbimet jokonsultuese nën huat IBRD dhe kreditë IDA e grantet nga huamarrësit e Bankës Botërore. Në thirrjen e bërë sot publike thuhet se t gjitha ofertat duhet të shoqërohen nga një sigurim oferte me vlere 2,400,000 Lekë (dy milion e katereqind mije). Afati i fundit është data 18 qershor, ora 10:00. Më poshtë njoftmi i plotë.
© ArgjiroLajm.net