Pas dasmës së fundjavës, familja Murataj ka përcjell sot për në banesën e fundit viktimat e aksidentit tragjik të një dite më parë në rrugën Levan-Tepelenë. Siç shihet në videon që sjell ArgjiroLajm.net qindra njerëz janë mbledhur në fshatin Kutaj për t’u dhënë lamtumirën viktimave. Ata janë Fisnik Murataj dhe e fejuara e tij franceze, Nazia Ahan, si dhe djali i xhaxhait të Fisnikut, i riu Agustin Murataj. Tre të rinjtë po ktheheshin nga një dasëm. Ata jetonin në Greqi. Por kthimi për në shtetin fqinj ishte fatal për ta. Makina humbi kontrollin dhe ra në një kanal pranë fshatit Varibop.