POLICIA E SHTETIT
Specialistët e Komisariatit të Policisë Gjirokastër kanë arrestuar në flagrancë një shtetas për posedim të armëve të ftohta.
Në pranga ka rënë shtetasi S. Q., 57 vjeç, banues në fshatin Dragot, Tepelenë. Sipas njoftimit zyrtar, gjatë kontrollit ndaj tij, shërbimet e policisë kanë konstatuar dhe sekuestruar në cilësinë e provës materiale 3 armë të ftohta, konkretisht 2 shkopinj metalik dhe 1 mjet prerës (thikë).
Materialet procedurale në ngarkim të tij i janë referuar Prokurorisë pranë Gjykatës së Shkallës së Parë të Juridiksionit të Përgjithshëm Gjirokastër, për vijimin e veprimeve ligjore.
Policia vijon kontrollet dhe masat parandaluese për goditjen e rasteve të paligjshmërisë dhe rritjen e sigurisë në territor.
