Boris Johnson ka folur për herë të parë pas shtrimit të tij në spital, duke falenderuar mjekët që i qendruar te koka me fjalët: “Unë ju kam borxh jetën time”.
Kryeministri tregoi vlerësim duke duartrokitur mjekët e tij vetëm dy orë pasi doli nga reparti i kujdesit intensiv dhe u kthye në një repart normal në Spitalin St Thomas.
Disa pacientë iu bashkuan druartrokitjeve të tij, ndërsa vlerësimi ndaj bluzave të bardha ishte i madh. Boris u tha miqve se kujdesi që kishte marrë ishte “shembullor” dhe shtoi: “Unë nuk mund t’i falënderoj sa duhet. Ua kam borxh jetën time. ” Gjendja e Johnson u përshkrua si “i rraskapitur, por euforik”, pasi la kujdesin intesiv.
Daily Mail shkruan se ai u takua me mjekët dhe infermierët gjatë rrugës dhe falënderoi çdo anëtar të stafit që hynte brenda spitalit. Numri i të vdekurve dje në Britaninë e madhe ishte 917, duke përfshirë një fëmijë 11 vjeç dhe një 102-vjeçar, dhe duke e çuar numrin e vdekjeve të koronavirusit në Mbretërinë e Bashkuar në 9.875.
Downing Street tha se Kryeministri po bënte “përparim shumë të mirë”, ndërsa përgatiti të kalonte natën e tij të shtatë në Spitalin St Thomas në qendër të Londrës. Por është e qartë se pas kësaj eksperience do të ndryshojë dhe qendrimi i Johnson për koromavirusin, që fillimisht e mori me sportivitet.
Një i afërt tha: Nuk ka dyshim se kjo ka qenë një përvojë e kthjellët dhe ndryshuese e jetës për Kryeministrin. Në të vërtetë ka qenë për të gjithë ne. Vetëm kur je në një gjendje të tillë të rëndë, e kupton sesa e çmueshme është jeta.
E fejuara shtatzënë e Boris Johnson Carrie Symonds mori përditësime dy herë në ditë për gjendjen e tij, por ende nuk ka pasur një takim mes tyre, pasi për personat e prekur nga Covid 19 nuk lejohen vizitat.
