Curi tha në emisionin e Erla Mëhillit se Meta e ka të vështirë të pranojë arrestimin e tij dhe i bërtet punonjësve të policisë sa herë që shikon ndonjërin prej tyre. Sipas tij, kreu i PL-së i thotë punonjësve të policisë “jam Vasil Laçi”, i riu që tentoi të vriste Viktor Emanuelin.
Analisti bëri të ditur se Meta ka kërkuar vegla force për të bërë stërvitje dhe gjatë gjithë kohës bën pompa dhe këndon.
“Sot kam informacione që na vijnë nga qendra e paraburgimit, që Meta është sërish në gjendje të rënduar emocionale. Na thonë nga brenda qendrës së sigurisë se sa herë që shikon policët sërish Meta ngre zërin dhe reagon ndaj tyre. Nuk e pranon idenë në psikikën e tij, edhe pse mund ta ketë ditur teorikisht e ka të pamundur faktin që mund të jetë i arrestuar. Thonë që ka kërkuar vegla force për të bërë stërvitje dhe nuk ia kanë dhënë akoma. Më thonë që këndon gjithë kohës dhe bën pompa në mungesë të veglave dhe sa herë shikon policët ju bërtet dhe ju thotë jam Vasil Laçi. Vasil Laçi është i riu atentator që donte të vriste Viktor Emanuelin kur erdhi në Shqipëri, atentat që dështoi, i kam nga brenda informacionet. Unë i kam bërë thirrje Metës të arratiset se kjo drejtësi tenton të jetë respresive”, tha Curi.
