Shqipëria e vajzave siguroi kualifikimin në fazën play-off të Kupës së Botës “Brazil 2027”, pas fitores 5-2 ndaj Malit të Zi. Për këtë arritje kaq të madhe, ka folur trajneri i vajzave kuqezi, Armir Grima, në një intervistë me Trevisa Tufën, në Sport News në News 24.
Keni ndonjë preferencë për shortin që do të hidhet më 18 qershor?
Kemi luajtur me ato ekipe. Meqë Ukraina është në luftë, do donim Ukrainë.
Beson realisht se mund të shkojmë në Botëror, sa janë shanset reale?
Të them të drejtën, për mua do ishte kënaqësia më e madhe sportive. Sot është e thjeshtë të flasësh për futbollin e femrave, por kur kemi filluar ne, ka qënë e vështirë. Sot vajzat i kanë përballuar të gjitha. Janë krenari!
Pika më e fortë?
Grupi, e them me siguri. Kjo është pika më e fortë. Këto gjëra nuk arrihen për një ditë, është punuar shumë për të shkuar këtu.
Si do të shkojë kjo aventurë, edhe kompeticionin e ardhshëm do të luani në Ligën B në UEFA, çfarë objektivi keni Grima, ku dëshironi të arrini?
Është shumë e vështirë për të qëndruar në Ligë. Ne kemi synim qëndrimin në Ligën B.
Keni një mesazh për tifozët?
Unë kam një mesazh, unë i ftoj që të na mbështesin. Këto vajza të bëjnë krenare edhe kur humbasin, pasi pësojnë disfatë me dinjitet. Skur të jemi të shumtë në numër, do ishte më mirë.
