Ministrja e Kulturës, Mirela Kumbaro ka folur së fundi për investimet që po kryhen nga qeveria shqiptare në Gjirokastër. Në një intervistë për televizionin Gjirokastra, Kumbaro thotë se të gjitha investimet që po kryhen janë në funksion të zhvillimit të turizmit, si sektori kryesor për zhvillimin e qytetit.
Sipas saj synimi është që investimet në Gjirokastër të harmonizojnë pjesën muzeale me atë urbane të qytetit. Në vijim të intervistës Kumbaro ka folur edhe për takimin me anëtarët e Forumit Gjirokastra, ku është diskutuar në mënryë të veçantë për projekin e “Bypass-it”.
“Qarku i Gjirokastrës duhet të jetë një qendër turistike. Unë e konceptoj në formën e një rrethi, ku në qendër është Gjirokastra, më pas vjen Përmeti, Tepelena, Libohova, Këlcyra”, tha Kumbaro duke u ndalur në mënyrë specifike në secilin prej investimeve.
Në videon më poshtë mund të ndiqni intervistën e plotë të ministres së Kulturës.
/ArgjiroLajm.net
