Kryeministri Edi Rama u ndal sot në Salari të Tepelenës, ku po vazhdon puna për segmentin e fundit që do të lidhë me rrugë turistike qytetin me lartësinë e Nivicës. Gjatë bashkëbisedimit me Tërmet Peçin, Rama solli në vëmendje që njerëzit thonë se nuk kemi bërë rrugë fshati, duke i kërkuar kryebashkiakut të bëjë më shumë publicitet.
BISEDA
Edi Rama: Ore shiko, se ka shumë që thonë nuk kemi bërë rrugë fshati.
Tërmet Peçi: Këto ça janë?
Edi Rama: Lëri tani, se nuk i dinë njerëzit këto. Ti bën fitore publicitare, por nuk bën shumë publicitet. Je i fitoreve. Nuk je i reklamimit.
Tërmet Peçi: Është një investim i shumëpritur. Për herë të parë sot bëhet kjo, lidhet e gjithë krahina e Lopsit dhe zona e Vlorës. Duke shkuar tani në investimin e përfunduar, 4 km shkojnë në Salari. Mbas Salarisë, kemi 10 km nga Salaria në fshatin Nivicë.
Edi Rama: Faktikisht sot, ti dhe tepelenasit e dinë, të tjerët po e mësojnë pak nga pak, do ta mësojnë mirë në 3-4 vitet e ardhshme që Tepelena nga një xhep fallco që të gjithë i kalonin anash dhe nuk ndalonte njeri aty, me një aset fantastik kombëtar që është kalaja është kthyer në epiqendrën e një herte turistike ku përfshihet Gjirokastra, Vlora dhe Himara. Tashmë gjithë kjo mrekulli e madhe, që ishte larg syve të njerëzve, kthehet në një park natyror tematik dhe turistik ku me stacione të ndryshme ti ke mundësi të admirosh natyrën, traditën, historinë, mikëpritjen, dhe këngët.
Tërmet Peçi: Komandant jemi i vetmi qytet që kemi 4 kala
Edi Rama: Po ç’e pyet
